Snart påske"ferie"! Dagane med baby i hus er cirka like, ferie er det langt ifrå. Men kjekt, det der med baby, meinar eg. Eller, stort sett kjekt, sånn nesten alltid. For moderskapet kan vera ganske oppskrytt til tider. Faktisk UTRULEG MANGE basseluskar der ute i den virkelige verden, for eksempel i barnehagen. Og dei finn seg plass å bu veit du, basseluskane altså. Dei slår seg ned i små øyrer, eller i dei pittesmå nasane, og lagar hekkan for heile storfamilien. Mm, nemleg. Men nå er det altså ferie, og det håpar eg både bakteriar og virus har forstått. For nå skal mammaMy, og avleggjarane og Mannen, dei skal til Godset (les: rønne frå 1926). Og der ventar husbukk, mus, trekk frå holet i veggen, og til og med "spøgelser" iflg storeFrø på 2,5 år. :) Men kjekkast av alt- venner ventar der, og familie, og små-små syskenbarn. Staden er full av menneske som vil oss vèl. Godt det. Ynskjer fin påske til deg som les!

Det blir garantert vanskelig å IKKJE vaska håret på 5 dagar! Men doktoren har sagt det. Har nemlig skaffa meg eit blodig bakhode, og to fine sting, rett der ved flettene veit du. Og mot doktoren er ein lydig åff kårs. Det var ikkje noko drama altså, berre ein liten prikk, som forfengelege mammaMy ville ha vekk. Forgjeves å vera forfengeleg når eg allikevel må gå rundt med HYTTEHÅR halve påsken. Fasiken.

Dette er sengekameraten min. Barbapappa er fin å ha, for eksempel når mammaMy skal amma om natta. Då sender han ut eit Amsterdam-aktig rosa lys slik at eg kan finna puppen, babyen, klokka, eller kva det no er eg skal ha tak i akkurat då. Eg hadde bok om Barbapappa, men det var før. Han kunne forvandla seg til ei trillebår blant anna. Tenk om min Barbapappa GJER det? -blir til ei trillebår og kanskje fraktar meg avgarde (dersom eg mot formodning skulle vera i djup søvn) som ei anna sovande tante Sofie. Kanskje er Barbapappa i slekt med Kasper og Jesper og desse.

Finaste påskepynten er den sjøl-laga. StoreFrø kom stolt heim frå barnehagen med denne idag. :) Karsehår og greier.

Joda, det ante meg. Er sveitt på ryggen, og tilogmed på framsida av lårene! Nå skal eg ikkje ta æra for å ha funne opp dei djupe tallerkane, men at det skulle vera SÅ vanskeleg å forstå dette språket inni denne maskinen. Er det EDB det heiter? Trur me kunne ha EDB i valgfag då eg gjekk på ungdomsskulen. Men eg hadde ikkje det, EDB meinar eg. For eg hadde "personlig hygiene" som valgfag! Til gjengjeld blei eg jysla god på hårfjerning for eksempel. At det er en nyttig ting kan ingen komme fra.

Hallo? Hallooo, -alle der ute i cyberspace ein plass! Er eg inne nå, eller ute kanskje? Prøver meg på blogging eg iallefall. Sikkert kjekt det. Eller?

Trur ikkje du kjem til å få sjå lampettene mine. Heller ikkje baderomsflisene mine, eller det eg har på tallerken.

Men eg kan dela store og små tankar, så det så.