onsdag 17. oktober 2012

HER SKJER DET TING

Ok, folkens. Hugsar du Godset? Godset er huset familien My har brukt til hytte dei siste fem åra.
Godset er ei slags rønne, bygd i 1926, dårleg vedlikeheldt dei siste åra. På Godset har mine besteforeldre budd, og mine oldeforeldre. Godset har mange historier å fortelja. Ting sit i tapeten.
Me snakkar mat, Bibel, glede, sjukdom, bekymring, kaffikoppar, komler, symaskin.

No riv me Godset. Neste veke skjer det. Straumen koplast av idag. Huset er tomt, tomt for ting og tang. Men det har sjel, og mange gode minner.
My og Mann brukte helga på å tøma hus og å fylla container. Herrejesuskristus kva me fann. : heimelaga lefser frå ca 15 år tilbake...., bøtte med lokk med ukjent flytande innhald... (kanskje fisk?, ingen vågde å opna, med fare for å døy umiddelbart av gassforgifting)
Min kjære pappa hjelpte til med rydding og kjøring av tilhengjar og slikt. Og aldri har vel sangen "Kjekt å ha" vore sannare! Han samla isaman dei utrulegaste ting - me er i kategorien "taustumpar og slikt", og lyspærer til juletre.. Trur sanneleg han blei kalla til å ta vare på brudebilete av skilde folk og. :)
Mi kjære mamma har eg advart mot å kikka i bagasjerommet hans, det er fare for nervesamanbrot dersom ho gjer det. Ho hadde forresten i oppgåve å gjeta hjorden imens, i lekeparken var dei, og på sundagsskulen sjølsagt. Ein må jo læra om Josef? - ikkje han "barnefaren", men han med kjortelen og brønnen og det. Jaja.

My er flink til å hiva, og det gjorde eg. Ting som me ville ta vare på blei frakta til Bror sin kjellar for oppbevaring. Sjøl seier han det er ein Fritzl-kjellar, men, men, eg såg berre ting der, og ein katt.
Den lokale brukthandelen blei òg forsynt med nye varer.
Og tre venninner kom og henta ting dei syntes var brukande. Ho-ho, værsågod seier berre eg!

Kvifor riving? Jo, det skal eg seia deg: familien My er på flyttefot. Innan eitt års tid har me nytt hus der Godset har stått. Draum går i oppfylling!! Me kjem HEIM. Gled, gled, gled. Byggjemøte var me på på måndag, rettare sagt på 39-årsdagen min. (gratulasjoner mottas med takk)
Så dersom alt går etter våre planar, så feirar eg 40 med havutsikt i retning England.
Ulemper? -jada, nokre. Fordeler? - ein del av dei ja.
Kanskje eg bør konvertera til husbyggingsblogg/interiørblogg? -trur ikkje det, men litt smakebitar blir det nok.

5 kommentarer:

Elisabeth, innerst i veien sa...

Gratulerer med 39-årsdag først og fremst. Spennende greier, ser fram til alle oppussings- og interiørinnleggene framover.

Shy B sa...

Gratulerer med overstått dag!! Va'kje eg på WF med deg då? Og du sa ingenting....
Spennande med riving og bygging. Det vert nok interiørinnlegg framover no ;)

Bergljot sa...

Gratulerer, så spennande! Og gratulerer med dagen. Du er jo reinaste ungmøya, du. Eller ungmya må det vel bli.

Mammarie sa...

Høyrtes herlig ut. Gratulerer med avgjerdsla (og overstått bursdag:)

Trine sa...

Åh, Nå har jeg atter hatt en runde inne hos deg. Du er artig. Og jeg ler. Og grattis med dagen og byggeprosjekt! Og jeg håper dte ikke er s lenge til jeg kommer tilbake hit. Blogging står ikkke akkurat øverst på timeplanen her for tida. det er så mye annet kjekt som må gjøres: Feks å ta en liten fjell-trimtur nå på morran. Her er det nå morra. Kl er 8. Ungene har dratt på skolen. Og jeg skal trimme fleskelår og rumpe med høye kneløft og pustogpes for å komme meg til den største toppen her i Busan også denne fredagen. Fast innslag fredager, ser du. Sammen med noen nye kjekke venninner, som også må finne på noe kjekt, siden menn og unger er på skole og jobb, og vi damer ikke har noe kontor å henge på. Jeg har det SUPERBRA! Stortrives. Det er sikkert. Hadde en artikkel i Eidendomsmegler 1 sitt billag i Stavanger Aftenblad sist lørdag. Tror du finner det på nett. Klem

Related Posts with Thumbnails