mandag 28. februar 2011

MY-DAG

Mannen her i huset er ein snill mann. Det hender det vankar ein blomsterkvast. Det hender (ofte) at eg får sova lengst. Det hender at bilen blir parkert slik at eg slepp å rygga. Det hender at eg får middagen servert, rett nok etter at eg både har tenkt ut menyen OG handla menyen.
Men det hender òg at eg vurderar å leggja Mannen ut på billigsalg på Finn.no! Så det så.
Nå har det seg slik at denne Mannen har tatt patent på ei genial oppfinning: nemleg noko han kallar for My-dag. I og med at eg er heimearbeidande, dvs husmor, så har han ordna det slik at eg ein gong iblant får min heilt eigen fridag, altså My-dag. Då kan eg forlata åstedet og for eksempel gå på handel heilt for meg sjøl. Genialt påfunn det der.
Og nå er formen og kvalmen såpass, at idag var ein slik dag.
Pudder, solbriller, praktiske sko, fargerikt skjerf, repetisjon av kort-koden, og DER var eg og meg på bytur, idag. :) Ein sann fornøyelse var det, etter vekesvis i kvalmekoma her INNE I HUSET. Vèl unt, om eg skal få seia det sjøl.
Det blei både vårsko og nytt undertøy i handleposen, kafèbesøk òg sjølsagt. Og takeaway-Napoleonskake til Mannen som skulle stelle heime. Veldig u-hipt det der med Napoleonskake sikkert, men kven bryr seg? Tusen takk, gode Mann!
Berre ein ting til slutt - eg hadde sett for meg eit par Sneakers-liknande sko som eg ville skaffa meg for sesongen. Alle skobutikkane blei tråla, men det er rart med det, når ein har dikta opp korleis dei bør sjå ut, så er det jammen ikkje lett å få tak i... Men jo, der, på ein forretning fant eg eit par som var cirka slik eg hadde tenkt. Prisen? - 6000 kroner, sekstusennorskekroner, for eit par sko? Og ikkje ein einaste diamant på dei ein gong? Eg må ha gått i feil butikk. Det er nok i den butikken dei sèl keisaren sine nye klær. Pøh! Snobberi, heiter det.
Men ideen min var iallefall eksklusiv, fant eg ut. Trendspotting-My nå. Særlig.

6 kommentarer:

SURRESILJE sa...

Så lurt med en MY-dag! Og i alle dager, hvordan butikk var det du rota deg inn i?

Trine sa...

6000 var litt i overkant, ja! Og jeg er enig i at den rausheten mannen viser her - fortjener minst én stk napoleonskake! Høres ut som en fin-fin dag :)

Shy sa...

Ein MY dag var fortent no når du er oppegåande!

Hello Baby Lou sa...

Hurra for Mydag, det hørtes alldeles nydelig ut,,

-Og 6000 for sko? usj..

-Og..og Napoleonskake...Mmmmm...(trendy or not)

Bustenellik sa...

Hørs ut som du har anskaffet et bra stykke mann :-) men 6 000 for et par sko!? Hjelpes!

Unknown sa...

revoir réplique gucci vous pouvez essayer ici sacs réplique gucci essayez ceci sacs à dos de créateurs de répliques

Related Posts with Thumbnails